上篇介紹遊東京都心可以揀既pass，我強調左去唔到屬「近郊」既幕張同舞濱（Disneyland)，以下呢三張就可以了(不過用呢三張去呢兩處好似浪費左D，我就會用之前講既JR嗰張補錢算，或者去海濱幕張直接比單程570yen 玩足一日，咁好似仲抵d）。
我概括咁將東京近郊包括東京都23區以外既地方，例如江之島，高尾山，青梅奧多摩，箱根，鐮倉、橫濱、足利花卉公園等等；而遠郊則包括輕井澤、河口湖（富士山）、日光、鬼怒川溫泉、伊豆半島、熱海、那須鹽原和銚子等等。以下頭兩張大致上可用喺我所謂既近郊，而第三張就用喺遠郊嗰d地點。
1） 悠閒假日Suica周遊券
呢張可以用JR Pass去到日本主要既近郊地區，由成田機場去到小田原都用到，仲包埋去到台場既臨海線同羽田機場既單軌列車，缺點係淨係星期六和日同日本既公眾假期先買得，同埋要，2,670yen，都好貴！
https://www.jreast.co.jp/multi/zh-CHT/pass/nonbiri_pass.html
2） Greater Tokyo Pass
呢張係除咗JR以外，其他既私鐵都可乘搭，3或5日券，但係我自己就認為呢張pass性價比偏低，除非每日都遠征小田原，江之島，日光果D位，如果唔係既，2000yen以上一日剩係包普通車，係偏弱。
https://greater-tokyo-pass.jp/tch/rosen/
3）JR東京廣域周遊券
距東京較遠既地方如輕井沢、河口湖、日光、伊豆半島等都可以去到，重要包埋範圍內既特急同新幹線既普通車指定席，三日仼搭，非常適合初嘗鐵道遊的旅客，是東京都附近長距離移動既高性價比Pass。
要注意既係，過往如果鐵道去河口湖基本上都係JR中央線既特急/普通車去到大月站再轉富士急行既車再上山，但係響疫情前一年JR 東日本同富士急行兩間公司就合作推出左直通班次，架特急既名叫”富士回遊號”，每日對開三班來往千葉/新宿至河口湖，不需要再於大月站再次轉乘；而JR Pass入面只有呢張JR 東京廣域周遊券係同富士急行有合作，所以要不用再付費搭富士回遊既pass 只得呢張。
還要注意既係JR 東京廣域周遊券為JR東日本發行的車票，故不適用於由JR東海所經營的東海道新幹線 東京至熱海段。
https://www.jreast.co.jp/multi/zh-CHT/pass/tokyowidepass.html